Նո-շպա 40մգ/2մլ Ներարկման Լուծույթ Սրվակներ N5

* Դեղատոմսով տրվող դեղամիջոց:

1. Բաղադրություն

1 սրվակը (2 մլ) պարունակում է՝ ակտիվ նյութ՝ դրոտավերինի հիդրոքլորիդ — 40 մգ: Օժանդակ նյութեր՝ նատրիումի դիսուլֆիտ (մետաբիսուլֆիտ), էթանոլ 96%, ներարկման ջուր մինչև 2 մլ:

2. Ցուցումներ

Լեղուղիների հիվանդությունների հետ կապված հարթ մկանների սպազմ (խոլեցիստիտ, խոլանգիոտիտ, լեղաքարային հիվանդություն, լեղային խիթ); միզուղիների հարթ մկանների սպազմ (երիկամաքարային հիվանդություն, պիելիտ, ցիստիտ, երիկամային խիթ); աղեստամոքսային տրակտի հարթ մկանների սպազմ (ստամոքսի խոց, կոլիտներ, սպաստիկ փորկապություն); գինեկոլոգիայում՝ դիսմենորեա:

3. Կիրառման եղանակ և դեղաչափեր

Ներմուծվում է միջմկանային (մ/մ) կամ դանդաղ ներերակային (ն/ե): Մեծահասակների համար սովորական միջին օրական դեղաչափը 40-240 մգ է (1-3 ներարկում օրական, 1-2 սրվակ միանվագ): Սուր խիթերի (լեղային, երիկամային) դեպքում ներմուծվում է ն/ե դանդաղ (մոտ 30 վայրկյանի ընթացքում) 2-4 մլ (40-80 մգ):

4. Հակացուցումներ

Գերզգայունություն դրոտավերինի կամ օժանդակ նյութերի (մասնավորապես նատրիումի դիսուլֆիտի) նկատմամբ; ծանր լյարդային, երիկամային կամ սրտային անբավարարություն; ցածր սրտային արտամղման համախտանիշ; մանկական տարիք; կրծքով կերակրման շրջան:

5. Կողմնակի ազդեցություններ

Զարկերակային ճնշման անկում, սրտխփոց, գլխապտույտ, գլխացավ, սրտխառնոց, ալերգիկ ռեակցիաներ:

6. Պահպանման պայմաններ

Պահպանել օրիգինալ տուփի մեջ, լույսից պաշտպանված, երեխաների համար անհասանելի վայրում, +15°C-ից մինչև +25°C ջերմաստիճանում: